ხელოვნური კანი, რომელსაც შეუძლია, შეხება იგრძნოს | ,,ვარსკვლავური ომებით“ ინსპირებული გამოგონება

FILE PHOTO: Dr. Benjamin Tee, Assistant Professor of Materials Science and Engineering at the National University of Singapore (NUS), demonstrates how his device can detect the texture of a soft stress ball at a lab in NUS, Singapore July 27, 2020. REUTERS/Joseph CampbellREUTERS

სინგაპურის ეროვნული უნივერსიტეტის მკვლევრებმა ახალი მოწყობილობა სახელად ACED შექმნეს, რომელიც ,,ელექტრონული კანის’’ ფუნქციას შეასრულებს. გამოგონება პროტეზირებული კიდურების მქონე ადამიანებს შესაძლებლობას მისცემს შეხება, ტექსტურა, ტემპერატურა და ტკივილიც კი იგრძნონ.

მოწყობილობა, რომელიც კანის ხელოვნურ ვერსიას წარმოადგენს, 100 მცირე სენსორისაგან შედგება. ჩატარებული ექსპერიმენტი ცხადყოფს, რომ მას შეუძლია მიღებული ინფორმაცია, ადამიანის ნერვულ სიტემასთან შედარებით, უფრო სწრაფად დაამუშაოს და 20-დან 30-მდე განსხვავებული სახის ტექსტურა ამოიცნოს. ამავე ექსპერიმენტითვე დადგინდა, რომ ACED-ის ბრაილის შრიფტით დაწერილი ტექსტის 90%-ზე მეტი სიზუზტით გარჩევაც შეუძლია.

კვლევის ჯგუფის ხელმძღვანელი, ბენჯამინ თი, განმარტავს, რომ მოწყობილობის კონცეფციის შთაგონების წყარო გახდა სცენა ცნობილი ტრილოგიიდან ,,ვარსკვლავური ომები“, სადაც ერთ-ერთი პერსონაჟი მარჯვენა ხელს დაკარგვის შემდეგ კვლავინდებურად შეძლებს, იგრძნოს შეხება, ხელის ხელოვნური კიდურით ჩანაცვლების გზით.

აღსანიშნავია, რომ ახალი ტექნოლოგია ჯერ კიდევ ექსპერიმენტულ ეტაპზეა, ამის მიუხედავად კი, საზოგადოებრივი ინტერესი უკვე ძალიან მაღალია, პარალელურად, გამომგონებელ მეცნიერთა იგივე ჯგუფი ამავე თემასთან დაკავშირებულ, ახალ მოწყობილობაზე მუშაობს.