Glassdoor-ის ექსპერტებმა 2019 წლის ანგარიში გამოაქვეყნეს, აღმოჩნდა, რომ მსოფლიოში ყველაზე მაღალი ხელფასები ამერიკულ IT კომპანია Palo Alto Networks-შია, სადაც დასაქმებულები წლიურად საშუალოდ 170 929 ამერიკული დოლარის გამომუშავებას ახერხებენ. ყველაზე მაღალანაზღაურებად თანამშრომელს Palo Alto Networks-ში წლიურად 271 000 ამერიკული დოლარი აქვს.
ისევ ამერიკული კომპანია NVIDIA პირველ ადგილოსან Palo Alto Networks-ს მხოლოდ საშუალო ანაზღაურების ოდენობით ჩამორჩება; კომპანიაში ყველაზე მაღალი ხელფასი Palo Alto Networks-გან განსხვავებით ბევრად მაღალია და ის წლიურად 472 000 ამერიკულ დოლარსაც უტოლდება.
მესამე ადგილს Twitter იკავებს, სადაც საშუალო წლიური ანაზღაურება 162 852 ამერიკულ დოლარს უტოლდება. ყველაზე მაღალი ხელფასი დაახლოებით, 274 000 ამერიკული დოლარია.
მომდევნო ადგილს, ბიოფარმაცევტული კომპანია Gilead Sciences იკავებს. აქ წლიური საშუალო ანაზღაურება 162 210 ამერიკულ დოლარს უტოლდება, ხოლო ყველაზე მაღალ ანაზღაურებადი თანამშრომლის ხელფასი წლიურად 411,000 ამერიკულ დოლარსაც კი აღწევს.
მეხუთე ადგილს კომპანია Google იკავებს, სადაც საშუალო წლიური ანაზღაურება 161 254 ამერიკული დოლარია, ხოლო ყველაზე მაღალი ანაზღაურება კომპანიაში 762 000 ამერიკული დოლარიც კი, ფიქსირდება.
Glassdoor-მა რეიტინგში 10 კომპანია შეიყვანა, რომლიდანაც ყველა ამერიკულია:
Palo Alto Networks – საშუალო ანაზღაურება- $170 929;
NVIDIA – საშუალო ანაზღაურება- $170 068;
Twitter – საშუალო ანაზღაუ რება- $162 852;
Gilead Sciences – საშუალო ანაზღაურება- $162 210;
Google – საშუალო ანაზღაურება- $161 254;
VMware – საშუალო ანაზღაურება- $158 063;
LinkedIn – საშუალო ანაზღაურება-$157 402;
Facebook – საშუალო ანაზღაურება- $152 962;
Salesforce.com – საშუალო ანაზღაურება-$150 379;
Microsoft – საშუალო ანაზღაურება-$148 068.
წყარო: BMG