თიბისის მისია ადამიანების ცხოვრების გამარტივებაა, ამ მისიისთვის კი აუცილებელია მომხმარებლისთვის საუკეთესო გამოცდილების შექმნა.
თიბისის გამოცდილების მთავარ იდეას უწყვეტი ციკლი წარმოადგენს, რომელიც მომხმარებლის აზრის მოსმენით იწყება. შემდეგ ამ უკუკავშირის მიხედვით იქმნება ახალი პროდუქტი თუ სერვისი, ან უმჯობესდება არსებული. ამ ჯაჭვის მეშვეობით მომხმარებელი თიბისის ბრენდის თანაშემოქმედი ხდება.
სწორედ ამ ციკლის უკეთ ასამუშავებლად, თიბისის ორგანიზაციულ სტრუქტურაშიც ცვლილებები შევიდა. ერთ-ერთი ასეთი ნაბიჯი ეჯაილში ახალი როლის CX (მომხმარებლის გამოცდილების) პარტნიორების გაჩენაა.
ეს ადამიანები პასუხისმგებლები არიან, თითოეულ გუნდში ყველაზე ხმამაღლა გააჟღერონ მომხმარებლის ხმა და ახალი პროდუქტის შექმნისას დასვან მთავარი კითხვა: „როგორ უმარტივებს ის თიბისის მომხმარებელს ცხოვრებას”.
CX პარტნიორები ყველაზე ემპათიური, მომხმარებელზე ორიენტირებული და ინტუიტიური როლია თიბისიში. მათი ფუნქციაა ადამიანების თვალით დანახული, აღქმული და წარმოდგენილი პროცესების გააზრება. ისინი სხვადასხვა არხიდან აგროვებენ უკუკავშირს, თხოვნებს, მოთხოვნებს და მათ სწრაფად შესრულებას უზრუნველყოფენ.
ამ როლის ამოცანაა, დაეხმაროს თიბისის გუნდის წევრებს, მოუსმინონ მომხმარებელს, შეამჩნიონ მათი საჭიროება და კიდევ ერთხელ გაიაზრონ, რომ მნიშვნელოვანია, რასაც თიბისი ქმნის, ყველაფერში აისახოს ადამიანების ხმა და სურვილი.
ეს ნაბიჯი არის თიბისის სტრატეგიული მიმართულება, რომელსაც ორგანიზაციული სტრუქტურით თუ კულტურით მიყავს გუნდი კიდევ უფრო მეტად მომხმარებელზე ორიენტირებულ (customer-centric) მიდგომებამდე.