პრემიუმ კლასის მრავალფუნქციური კომპლექსი King David, რთული პანდემიური პერიოდის მიუხედავად, აგრძელებს განვითარებას და სულ ცოტა ხნის წინ მას ორი ახალი სივრცეც შეემატა: სასტუმრო Meta Business Hotel და რესტორანი Meta Restaurant, რომლებიც სტუმრებს უახლესი სტანდარტების დაცვით ემსახურებიან.
Meta Business Hotel გათვლილია ბიზნეს-კლასის სტუმრებზე და არამხოლოდ. აქ ადამიანს შეეძლება მოწყდეს ყოველდღიურ რუტინას, დაისვენოს ან იმუშაოს დისტანციურად; ნომრები კომფორტული და მშვიდია, საიდანაც ყოველთვის შესანიშნავი ხედები იშლება.
აღსანიშნავია, რომ სასტუმრო თავის სტუმრებს საშუალებას აძლევს ისარგებლონ კომპლექსის მრავალფუნქციურობით, აქ ყველაფერია წარმატებული ბიზნეს და სამუშაო გარემოს შესაქმნელად, მხოლოდ სასტუმროს სტუმრებს აქვთ პრივილეგია მიიღონ სპეციალური შეთავაზებები და ფასდაკლებები კომპლექსის ყველა სივრცეში.
უნიკალური ხედი, მაღალტექნოლოგიურობა, კომფორტი, ყოველდღიური თუ რუტინული საჭიროებების მარტივად ერთ სივრცეში გადაწყვეტა, სასტუმროს და სარესტორნო სერვისების ხარისხი აყალიბებს ყველა იმ ემოციურ და რაციონალურ ფაქტორს, რამაც საბოლოოდ King David აქცია თბილისის ახალ სავიზიტო ბარათად.
ოპერირების 4-თვიანი პერიოდის მიუხედავად Meta Business Hotel by King David საქართველოს საზღვრებს გასცდა და საერთაშორისო აღიარება მოიპოვა International Travel Awards-ის მიერ და 2021 წლის საქართველოს საუკეთესო ბიზნეს სასტუმროდ დასახელდა.
International Travel Awards ორგანიზებულია KSA Tourism Marketing–ის მიერ. KSA Tourism Marketing (KS Aadhavan Enterprises LLP) არის ტურიზმის წამყვანი მარკეტინგული და პიარ კომპანია, რომელიც ეხმარება 5,000-ზე მეტ კომპანიას თავიანთი ბრენდის გლობალურ დონეზე გაზრდაში. პროექტში მონაწილეობას იღებს 50-ზე მეტი ქვეყანა 100,000-ზე მეტი მონაწილით. მათ კი ტურიზმის სფეროში მოღვაწე ცნობილი ექსპერტები აფასებენ.
სწორედ მათი გადაწყვეტილებით, Meta Business Hotel-მა უმაღლესი შეფასება დაიმსახურა და გაიმარჯვა ნომინაციაში Best Business Hotel in Georgia 2021.