თუ თქვენც სახლში ხართ გამოკეტილი, ისევე, როგორც უმეტესი ჩვენგანი, მაშინ შესაძლოა ახლა საუკეთესო დრო იყოს რაიმე ისეთი პროდუქტიულის საკეთებლად, რაც სამსახურთან არ იქნება დაკავშირებული. მაგალითისთვის, ონლაინ კურსებზე, უფრო კონკრეტულად კი უცხო ენების შემსწავლელ კურსზე დარეგისტრირება, რომელიც საკმაო რაოდენობითაა ონლაინ სივრცეში.
მათთვის, ვინც დაინტერესებულია უცხო ენის შესწავლით, მაგრამ არ იცის საიდან დაიწყოს, ჩვენ მოვიძიეთ 5 საუკეთესო ონლაინ პლატფორმა.
Lingwing
საფასური: ხელმისაწვდომია როგორც უფასო, ისე ფასიანი პაკეტები.
ენების რაოდენობა: 7
ლინგვინგი ენის სასწავლო ქართული ონლაინ-პლატფორმაა, სადაც ნებისმიერ მსურველს შეუძლია 6 უცხო ენიდან ერთ-ერთი ან რამდენიმე ერთდროულად შეისწავლოს. ლინგვინგზე შესაძლებელია ქართული ენის სწავლაც. ამ ეტაპზე პლატფორმაზე შეგიძლიათ ინგლისური, ფრანგული, იტალიური, ესპანური, გერმანული, რუსული და ქართული ენების შესწავლა.
Rosetta Stone
საფასური: $7,99 ყოველთვიურად ან $199 ერთჯერადად.
ენების რაოდენობა: 28
Rosetta Stone ერთ-ერთი რეკომენდირებული კურსია დამწყებთათვის. აღნიშნული სერვისი გთავაზობთ 28 ენაზე გათვლილ პროგრამას და გაკვეთილებს, რომლებიც ერთი დღისთვის ბევრი არაა, მაგრამ ცოდნის მისაღებად სავსებით საკმარისი. პროგრამის ინტერფეისი საკმაოდ მარტივად მუშაობს. თითოეული გაკვეთილი შედგება ოთხი ნაწილისგან: წერა, კითხვა, მოსმენა და საუბარი. ამასთან, მომხმარებელს შეუძლია არჩევანი გააკეთოს ყოველთვიურ გადასახადსა და ულიმიტო ლიცენზიას შორის.
Duolingo
საფასური: ხელმისაწვდომია როგორც უფასო, ისე ფასიანი ვერსია
ენების რაოდენობა: 36
ბოლო რამდენიმე წელია Duolingo სერიოზულ კონკურენციას უწევს Rosetta Stones-ს. ეს მომსახურება ცნობილია ანდროიდისა და აიოსის აპლიკაციებით. გამომდინარე იქიდან, რომ კურსის გადმოწერა უფასოდ შეგიძლიათ ტელეფონში, ამ მხრივ, ვალდებულებების არ ქონა, თითქოს უფრო ამარტივებს სწავლის პროცესს.
Babbel
საფასური: ხელმისაწვდომია სხვადასხვა ფასიანი პაკეტი
ენების რაოდენობა: 14
თუ ისეთ კურსს ეძებთ, რომელშიც მთლიანად ჩართული იქნებით და ამასთანავე სწავლის უნარსაც გამოცდით, მაშინ Babbel თქვენთვისაა. პროგრამა გთავაზობთ 14 უცხო ენას, ახალ ფრაზებსა და სიტყვებს, რომლებსაც ყოველდღიურობაში გამოიყენებთ. ფასი საკმაოდ ხელმისაწვდომია, ამიტომაც სწავლისთვის დიდი ხარჯის გაღება არ მოგიწევთ.
Memrise
საფასური: $6,67 ყოველთვიურად ან $119,99 ერთიანი გადახდით.
ენების რაოდენობა:16
თუ განმეორება და ბარათებით სწავლა თქვენთვის სწავლის საუკეთესო საშუალებაა, მაშინ ეს სერვისი საუკეთესო არჩევანია თქვენთვის. შედარებით დაბალი ფასი რეგისტრაციას გიადვილებთ. პროგრამა მორგებულია, როგორც დამწყებ, ასევე საბაზისო ცოდნის მქონე ადამიანებზე.