Booking.com მოგზაურებისათვის განკუთვნილი ონლაინ პლატფორმაა, რომელიც ტურისტებს ქვეყნის ფარგლებს გარეთ სასტუმროს მოძებნასა და დაჯავშნაში ეხმარება. საიტი 1996 წელს ამსტერდამში შეიქმნა და დღემდე ლიდერია აღნიშულ სფეროში. Booking.com-ზე ყოველდღიურად საშუალოდ 1,550,000-ზე მეტი სასტუმრო ოთახი იჯავშნება.
პლატფორმა 24 საათის განმავლობაში შეუფერხებლად მუშაობს და 43 ენაზეა ხელმისაწვდომი.
კომპანიაში 17 000-მდე თანამშრომელია დასაქმებული და საკუთარი ოფისები მსოფლიოს მასშტაბით 70-მდე ქვეყანაში აქვს განთავსებული. Booking.com-ი საკუთარ ახალ ოფისს თბილისშიც ხსნის.
Booking.com-ის როგორც მენეჯმენტთან დაკავშირებული საკითხები, ისე საოფისე ფართის სარემონტო სამუშაოებიც სწორედ Cushman & Wakefield-მა შეასრულა. კომპანიის ახალი ოფისის ინტერიერის დიზაინზე კი MUA-Multiverse Architecture-მა იმუშავა.
Booking.com-ის ოფისის თბილისში გახსნა საკმაოდ სასიამოვნო სიახლეა, რადგან ოფისის გახსნით საერთაშორისო გავლენიანი კომპანია საქართველოს მნიშვნელოვან ტურისტულ მიმართულებად და საინტერესო ბაზრად მოიაზრებს.
წყარო: Cushman & Wakefield Georgia
ფოტო: გურამ კაპანაძე