საქართველოს ბანკის პარტნიორობით, Property Georgia-სა და FIABCI Georgia-ს ინიციატივითა და ორგანიზებით, 15-16 ოქტომბერს “უძრავი ქონების და სასტუმრო ბიზნესის საერთაშორისო ყოველწლიური ფორუმი “მდგრადი და მედეგი ქალაქების მშენებლობა“ იმართება.
ფორუმის მიზანს საქართველოს, როგორც უძრავი ქონების, ტურიზმის და სასტუმრო ბიზნესის საერთაშორისო ლოკაციის მსოფლიო რუკაზე პოზიციონირება წარმოადგენს.
ფორუმზე განიხილება ისეთი საკითხები როგორიცაა: მდგრადი ქალაქების შექმნის ეკონომიკური შედეგები; ქალაქებში მდგრადი ურბანული ინფრასტრუქტურისა და ტურიზმის განვითარება. ფორუმს 300-ზე მეტი დელეგატი და მსოფლიოს სხვადასხვა ქვეყნიდან მოწვეული 50-ზე მეტი ინვესტორი ესტუმრება, რომლებიც თბილისთან ერთად საქართველოს რამდენიმე რეგიონს მოინახულებენ.
სტუმრობის მიზანია ინვესტორები გაეცნონ უძრავი ქონების და ტურიზმის საუკეთესო შეთავაზებებს მთელი ქვეყნის მასშტაბით.
ღონისძიებას საერთაშორისო მედია პარტნიორობას უწევენ Dow Jones/Mansion Global/FN.
ფორუმს აშექებენ წამყვანი და გავლენიანი საერთაშორისო მედია საშუალებები: BBC, CNN, Bloomberg.
„მოხარული ვართ, ვიყოთ ასეთი საერთაშორისო და მასშტაბური ფორუმის გენერალური პარტნიორები რომლის მიზანიცაა, ხელი შეუწყოს საქართველოს მსოფლიო რუკაზე პოზიციონირებას, როგორც უძრავი ქონების და ტურიზმის, სასტუმრო ბიზნესის საერთაშორისო ლოკაციას. ამის დიდი პოტენციალი ნამდვილად აქვს ჩვენს ქვეყანას. საინტერესოა რომ ფორუმის ფარგლებში 50-ზე მეტ ინვესტორს ექნება შესაძლებლობა, გაეცნონ ქართული უძრავი ქონების ბაზარს და ტურიზმს. ვფიქრობ, ეს არის ძალიან კარგი შესაძლებლობა, როგორც მათთვის, ასვე ჩვენთვის, ქვეყნისთვის, რაც მნიშვნელოვნად გაზრდის ქვეყნის ცნობადობას. ფორუმის მიმართ არის ძალიან დიდი ინტერესი, რაც ძალიან სასიხარულოა. მსგავსი ღონისძიებები მნიშვნელოვანია, რათა რაც შეიძლება მეტ ადამიანს, მთელი მსოფლიოს მასშტაბით და მეტ ინვესტორს, არსებულს თუ პოტენციურს, გავაცნოთ ისე რეალური შესაძლებლობები რაც ჩვენს ქვეყანას აქვს“ – განაცახდა საქართველოს ბანკის გენერალური დირექტორის მოადგილემ, გიორგი ფაილოძემ.